Кашни çулах «Чĕвĕлти чĕкеç» конкурс иртет. Кăçал конкурс нарăс уйăхĕн 7-мĕшĕнче пулса иртрĕ. Конкурса 2-11 классенче вĕренекенсенчен çирĕм çичĕ ача хутшăнчĕ. Вĕсен уйăрса панă вăхăтра вăтăр ыйту çине хуравламалла пулчĕ. Вăйăра чăваш чĕлхипе, литературипе, халăх историйĕпе, культурипе, сăмахлахĕпе çыхăннă ыйтусем çине хуравлама çăмăлах пулмарĕ. Конкурса хутшăнса вĕренекенсем хăйсен пĕлĕвне, ăсталăхне, пултарулăхне тĕрĕслерĕç. Жюри «Чĕвĕлти чĕкеç-2018» конкурсăн пĕтĕмлешĕвне ака уйăхĕнче пĕлтерĕ.