Кăçал чăвашсен аслă Вĕрентекенĕ Иван Яковлевич Яковлев çуралнăранпа 170 çул çитет. Çак паллă çула шута хурса пирĕн шкулта та Иван Яковлевич Яковлев çулталăкне уçни çÿллĕ шайра иртрĕ.
Чи малтанах 7 класра вĕренекенсем «Аслă Патриархăн çулĕпе» ятлă презентаципе паллаштарчĕç. И. Я. Яковлева халаласа çырнă сăвăсене вуларĕç. 8 класра вĕренекенсем И. Я. Яковлевăн «Халалне» виçĕ чĕлхепе вуласа пачĕç. Кĕçĕн классенче вĕренекенсем И. Я. Яковлев калавĕсем тăрăх лартнă сценкăсем пурин кăмăлне те кайрĕ. Пĕчĕк «артистсене» тăвăллăн алă çупса саламларĕç.
2018 çула И.Я.Яковлев çулталăкĕ тесе палăртнине Нĕркеç шкул ачисем пурте ырларĕç. Аслă Вĕрентекенĕмĕрĕн ырă тĕслĕхĕпе халалĕ чăвашлăха çирĕплетессинче курăмлă ĕçсем тума пулăштăр, тăван чĕлхен халăха пĕрлештерекен вăйĕ ÿссех пытăр.