Февралĕн 25-мĕшĕнче И. Н. Ульнов ячĕллĕ Чăваш патшалăх университетĕнче регионсем хушшинчи чăваш чĕлхипе литература олимпиади иртрĕ.

Мероприятие вĕренекенсен пултарулăхне аталантарас, тăван чăваш чĕлхине вĕрентес кăмăла ÿстерес, чĕлхе пĕлĕвĕпе культура тĕлĕшĕнчен çивĕч ăслă ачасене тупса палăртас, тĕпчев ĕçне хутшăнма хăнăхтарас тĕллевпе йĕркеленнĕ.

Регионсем хушшинчи чăваш чĕлхи тата литература олимпиадине 9, 10, 11 – мĕш классенче вĕренекенсем хутшăнчĕç. Олимпиадăра Пушкăрт, Тутар республикинчи Чĕмпĕр облаçĕнчи вĕренекенсем те хутшăнчĕç. Тĕрлĕ регионсенчен килнĕ 156 ача олимпиадăра хăйсен пĕлĕвне тĕрĕслерĕ. Пирĕн шкултан та çак олимпиадăра 2 ача, 10 класра вĕренекен Кошкина Кристинăпа 11 класра вĕренекен Рыжова Виктория, хутшăнчĕç. Хĕр ачасем тăван чĕлхепе литература пĕлĕвĕ çÿллĕ шайра пулнине кăтартрĕç. Маттур та пултаруллă хĕр ачасене малашне ăнăçу тата çитĕнÿ сунатпăр.