Нарăс  уйăхĕн 1-мĕшĕнчен пуçласа  ака  уйăхĕн 1-мĕшĕччен Чăваш Енре  «Эпĕ  пĕчĕкçĕ чăваш-2020:инсценировка» видеоконкурс иртрĕ.

Видеоконкурса  чăваш  ачисене  тăван  литературăпа  халăх  сăмахлăхĕн  пуянлăхĕпе  тата  культурипе паллаштарас, ачасен вулав  пултарулăхне, чăвашла пуплевне аталантарас  тĕллевпе йĕркеленĕ.

Конкурса 70 яхăн ĕç йышăннă.  Пĕмтĕмпе  27 хисеплĕ вырăн палăртнă. Вĕсен хушшинче   «Инсценировка : шкул ачисем»  номинацире  Нĕркеç  вăтам шкул ачисем  Раиса Сарпин  «Саплăклă шăлавар» калавĕ тăрăх  хатӗрленӗ инсценировка  3-мĕш вырăна тивĕçме пултарчĕ.

Режиссёрĕ – Ефремова Н.К., сценарисчĕ – Константинова Н.Ю.

Актёрĕсем:

амăшĕ – Николаева А. (5 класс), Илемпи –Быкова Е.(3 класс), Эльпи – Сапожникова Ю.(4 класс).

Видеона ӳкерекенĕ  - Ефремов Е.

Çĕнтерӳçĕсене хĕрӳллĕн саламлатпăр.  Малалла та çитĕнӳсем  сунатпăр.