Чӑваш халӑх поэчӗн – Валерий Туркайăн пултарулӑхӗ иксӗлми вӑйпа тапса тӑрать. Ун ячӗпе поэзи уявне ирттерекенсемшӗн ҫакӑ пысӑк хавхалану.   Каҫал тӑрӑхӗнче "Туркай вулавӗсем" поэзи фестивалӗ 4- мӗш хут иртет. Хальхинче вӑл поэтăн тăван ялĕнче иртрӗ.  Комсомольски, Елчӗк районӗнчи вӗренекенсемпе вӗрентекенсем Туркай сӑввисене янраттарчӗҫ. Нĕркеç вӑтам шкулӗнчи Виктория Зуева, Вера Котова, Софья Воронова, Алексеев Даниил тата Тимур Яковлев Валерий Владимирович сӑввисене чун-чӗререн вуласа савӑнтарчӗҫ.  Чӑваш чӗлхипе литературине вӗрентекенсем те хастар пулчӗç.Ачасем уйрӑмшарӑн тата ушкӑнсем ҫине пайланса поэтӑн сӑввисене пӑхмасӑр каларӗҫ. Вӗренекенсене малашне те ӑнӑҫу сунатпӑр.