Çулсеренех юпа уйăхĕнче Г.Н.Волкова халалласа Чăваш Республикин вĕренỹ институчĕпе Шупашкарти 62-мĕш вăтам шкул регион шайĕнче «Хавхалану» фестиваль-конкурс ирттереççĕ.

Çак пултарулăх тупăшăвĕ шкул ачисене тата педагогсене паллă ăсчахăмăрăн ĕçĕ-хĕлне тĕплĕн пĕлме хавхалантарас, ачасене чăваш халăхĕн паллă çыннисем çинчен пĕлес туртăмне, шырав меслечĕпе ăсталăхне тата та ỹстерме пулăшать.

 Кăçалхи «Хавхалану» фестивале хутшăнакансем  «Г.Н. Волков хайлавĕпе лартнă чи лайăх инсценировка», «Г.Н. Волков хайлавне чи лайăх вулакан», «Г.Н. Волков пурнăçĕпе пултарулăхне лайăх уçса паракан интернет публикаци» номинацисенче тупăшрĕç. Жюри членӗсем палӑртнӑ тӑрӑх фестиваль-конкурса 254 ӗҫ тӑратнӑ.  

Асăннă мероприятие Нěркеçри вăтам шкулти вĕренекенсем Н.И.Плеткина учитель ертсе пынипе кашни çулах хастар хутшăнаççĕ. Иртнĕ çул «Г.Н.Волков хайлавĕсен чи лайăх иллюстрацийĕ» номинацийĕн дипломне илме пултарнăччě.  Кăçал вара ачасем конкурса Г.Волковăн «Тĕлěнмелле курăк»» хайлавĕ тăрăх инсценировка хатěрлесе 3-мěш вырăна тухма пултарчěç. Асăннă конкурса «Литература студийě» кружока çӱрекенсем-Воронова Ангелина, Быкова Елизавета, Петров Александр тата Федоров Егор- тулли кăмăлпа хутшăнчěç. Н.И.Плеткина та «Г.Н. Волков хайлавне чи лайăх вулакан» номинацинче хастар хутшăнчě.

Пултаруллӑ та маттур ачасене юпа уйӑхӗн 27-мӗшӗнче Шупашкар хулинче чысларěҫ.

 Хисеплĕ ачасем, сире малашне те çакӑн пек конкурсенче хутшӑнса хӑвӑрӑн пултарулӑха кӑтарма ӑнӑçу та телей сунатпӑр!